Author: Mother See of Holy Etchmiadzin

Սեպտեմբերի 2-ին՝ Արցախի Հանրապետության Անկախության օրվա առիթով, Մայր Աթոռ Սուրբ Էջմիածնի Մայր Տաճարում Ն.Ս.Օ.Տ.Տ. Գարեգին Երկրորդ Ամենայն Հայոց Կաթողիկոսի հանդիսապետությամբ կատարվեց Խաղաղության աղոթք։ Աղոթք բարձրացվեց բռնի տեղահանված արցախահայության, Բաքվում պահվող հայ ռազմագերիների ու Արցախի պատանդառված ղեկավարների ազատ արձակման համար, ինչպես նաև հիշատակվեցին արցախյան պատերազմներում զոհված քաջորդիները։ source

Սեպտեմբերի 18-ին Մայր Աթոռ Սուրբ Էջմիածնում Ամենայն Հայոց Կաթողիկոսն ընդունեց «Save Armenia» կազմակերպության պատվիրակությանը՝ գործադիր տնօրեն դոկտոր Փոլ Մյուրեյի գլխավորությամբ։ Վեհափառ Հայրապետն անդրադարձավ բռնի տեղահանված արցախցիների իրավունքների պաշտպանության, Ադրբեջանում ապօրինաբար պահվող հայ գերիների ազատ արձակման և Արցախի հայկական հոգևոր ու մշակութային ժառանգության պահպանության հրամայականին։ source

Մայր Աթոռ Սուրբ Էջմիածնի հովանու ներքո գործող «Էօրնեկեան» հանրակրթական դպրոցում խորհրդանշական զանգով մեկնարկեց նոր ուսումնական տարին, և դպրոցի հոգևոր տեսուչ Տեր Արսեն քահանա Միրզոյանը շնորհավորեց սաներին, մանկավարժներին ու ծնողներին։ Ողջույնի խոսքով հանդես եկավ նաև Սաղմոսավանքի հոգևոր հովիվ Տեր Փառեն քահանա Առաքելյանը։ Առաջին դասարան ընդունվելու համար այս տարի դպրոցը ստացել է 162 հայտ, սակայն սահմանափակ տեղերի պատճառով ընդունվել է 32 երեխա: source

Սեպտեմբերի 15-ին Մայր Աթոռ Սուրբ Էջմիածնում, Գարեգին Երկրորդ Ամենայն Հայոց Կաթողիկոսի նախագահությամբ մեկնարկեց Գերագույն հոգևոր խորհրդի հերթական քառօրյա ժողովը։ Օրակարգում ընդգրկված են Եկեղեցու կանոնական և թեմական կյանքին, կանոնադրությանը, հոգևոր-կրթական հաստատությունների գործունեությանն ու համայնքներում քրիստոնեական դաստիարակության զորացմանը, ինչպես նաև եկեղեցի-պետություն հարաբերություններում առկա հիմնախնդիրներին ու Եկեղեցու նկատմամբ ընթացող 23 դատական գործերին առնչվող հարցեր։ source

Մայր Աթոռ Սուրբ Էջմիածնի և ՀԲԸՄ Նորքի հայորդյաց տանը բացվել է նկարչության ու դեկորատիվ-կիրառական արվեստի դասարանների սաների տարեվերջյան ցուցահանդեսը, որտեղ ի մի են բերվել շնորհալի երեխաների ձեռքբերումներն ու միասնական ստեղծագործական ջանքերը: Չնայած ժամանակակից տեխնոլոգիաների գայթակղություններին՝ մանկավարժների ու ծնողների համատեղ աշխատանքի շնորհիվ պատանիները մեծ ոգևորությամբ են ստեղծագործում և կապվում ազգային արվեստին: Ցուցահանդեսի բացմանը կենտրոնի տնօրեն Աիդա Անդրիասյանը շրջանավարտներին հանձնել է վկայականներ, իսկ տարվա ընթացքում մրցույթներում աչքի ընկած սաներին՝ պարգևներ և հավաստագրեր: source

Օգոստոսի 19-ին Գարեգին Երկրորդ Ամենայն Հայոց Կաթողիկոսը Մայր Աթոռ Սուրբ Էջմիածնում ընդունեց «Քրիստոնյա գործարարների միության» անդամներին՝ Տեր Արարատ քահանա Պողոսյանի և միության համահիմնադիր Շավարշ Կարապետյանի գլխավորությամբ։ Ողջունելով միության անդամների այցը՝ Վեհափառ Հայրապետն իր օրհնությունը փոխանցեց ներկաներին և կարևորեց նման նախաձեռնությունների դերը հայրենիքի զարգացման ու հանրային կյանքի շենացման գործում։ source

Սուրբ Աստվածածնի Վերափոխման տոնը Տեղերի վանքի ուխտի օրն է։ Տոնի առիթով Տեղերի Ս. Աստվածածնում հոգևոր հովիվ Տեր Մխիթար քահանա Ահարոնյանի կողմից մատուցվել է տոնական Սուրբ Պատարագ։ Վանքի ուխտի օրվա նախօրեին՝ շաբաթ երեկոյից, Հայաստանից և Սփյուռքից ժամանած հարյուրավոր ուխտավորներ մասնակցել են գիշերային հսկմանն ու աղոթքներին։ Պատարագին հաջորդել է խաղողօրհնեքի կարգը, որից հետո ուխտավորները ճաշակել են օրհնված խաղողը և օրհնության բերկրանքը հասցրել իրենց ընտանեկան հարկերը։ source

Օգոստոսի 25-ին Գարեգին Երկրորդ Ամենայն Հայոց Կաթողիկոսն ընդունեց Մասյացոտնի թեմի քահանայից դասին։ Թեմի առաջնորդ Ռուբեն եպիսկոպոս Զարգարյանը շնորհավորեց Հայոց Հայրապետին ծննդյան 75-ամյակի առիթով և երախտագիտություն հայտնեց հայրական խնամքի համար։ Վեհափառ Հայրապետը բարձր գնահատեց թեմի հոգևորականների հոգեխնամ ու նվիրական ծառայությունը և ստեղծված դժվարին իրավիճակում նրանց դրսևորած անմնացորդ նվիրումը Հայ Եկեղեցուն։ source

Արարատի մարզի Ղուկասավան համայնքի Սուրբ Մարիամ Աստվածածին խոնարհված ու վերականգնվող եկեղեցում Մասյացոտնի թեմի առաջնորդ Տեր Ռուբեն եպիսկոպոս Զարգարյանի գլխավորությամբ աղոթք է հնչել և կատարվել խաղողօրհնեքի արարողություն, մասնակցությամբ տարածքի հոգևոր հովիվ Տեր Գրիգոր քահանա Հովհաննիսյանի։ Չորս տարի առաջ Վաչե Թոփուզյանի նախաձեռնությամբ սկսված վերականգնման աշխատանքներին մասնակցել են հնագետներ Արտակ Գնունին ու Լևոն Մկրտչյանը, վերականգնման նախագիծը հեղինակել է ճարտարապետ Ամիրան Բադիշյանը, նախագծի վերահսկումն իրականացրել է Գարեգին Կնյազյանը։ source

Սուրբ Տիրամոր Վերափոխման տոնի հաջորդ օրը Մայր Աթոռ Սուրբ Էջմիածնում Թորգոմ վարդապետ Տոնիկյանի կողմից մատուցվել է ննջեցյալների հիշատակի Սուրբ Պատարագ և կատարվել է հոգեհանգստյան կարգ։ Եկեղեցու վարդապետության համաձայն՝ մահը մարդու գոյության ավարտը չէ, այլ անցում դեպի հավիտենական կյանք, և Մեռելոցին՝ Եկեղեցին աղոթքով ու հիշողությամբ միավորում է ապրողներին ու ննջեցյալներին։ source