Բագնայրի վանք.Կարսի մարզ Kars

Անիից 7-8 կիլոմետր արևմուտք`Ալաջա լեռան լանջերից սկիզբ առնող վտակի հանդիպակաց ափերին է գտնվում Բագնայրի վանքը։Բագնայր անվամբ է հայտնի նաև առնվազն միջնադարից վանքին կից գոյություն ունեցած գյուղը, որն, ի դեպ, արդեն 19 րդ դարում հայաթափ էր։ Բագնայրը միջնադարյան Հայաստանի մեծահամբավ անիամերձ վանքերից է որը հիմնադրել է հեղինակավոր զինվորական գործիչ Սմբատ մագիստրոսը 1010 թվականին։
Բագնայրն Անիին շատ մոտ գտնվելով (վանքից պարզորոշ երեւում է Անիի համայնապատկերր)’ ժամանակին հոգեւոր-եկեղեցական եւ վարչական առումով սերտորեն կապված էր քաղաքի հետ: Վանքի հնագույն եւ գլխավոր եկեղեցին, որ կառուցել է Սմբատ Մագիստրոսը, Սուրբ Աստվածա­ծինն է:
Հայտնի չէ, թե երբ են միաբաններր լքել Բագնայրի վանքր: Քանի որ այն Անիի մեր­ձակա մյուս վանքերի նման մեծապես կապված էր քաղաքի հետ թե՜ եկեղեցա-վարչական, թե՜ տնտեսական առումով, ուստի անեցիների հարկադրա­կան արտագաղթը, պետք է նաեւ շրջակա վանքերի անկման պատճառ դառնար:

20 րդ դարի սկզբներին կատարված լուսանկարներից երեւում է, որ չնայած կիսավեր,բայց վան­քի բոլոր հիմնական կառույցները կանգուն էին:
Այժմ կանգուն է մնացել համալիրից հյուսիս-արեւելք գտնվող Մ. Երրորդություն փոքր եկեղեցին, իսկ գլխավոր Մ. Աստվածածին եկեղեցուց ու գավթից’ միայն երկու կիսավեր պատ:

#հայաստան #կարս #եկեղեցի #արևմտյանհայաստան #երեւան #վանք

source