Author: Baku TV

Samvel Karapetyanın əməli ifşa olundu | Ermənistanı silkələyən xəbər İrəvan şəhərinin birinci instansiya məhkəməsi iş adamı Samvel Karapetyanın iki ay müddətinə həbs edilməsi barədə qərar çıxarıb. Bu barədə Ermənistan KİV məlumat yayıb. Təqsirləndirilən şəxsin vəkili qərarın qanunsuz olduğunu bildirib. Qeyd olunur ki, S.Karapetyan Ermənistan Cinayət Məcəlləsinin 422-ci maddəsinin 2-ci hissəsi, yəni hakimiyyətin ələ keçirilməsinə açıq çağırış, ərazi bütövlüyünün pozulması, suverenlikdən imtina, konstitusiya quruluşunun zorakılıqla devrilməsi ilə ittiham olunur. Bundan əvvəl xəbər yayılıb ki, Ermənistan Daxili İşlər Nazirliyinin Baş Mütəşəkkil Cinayətkarlıqla Mübarizə İdarəsinin əməkdaşları S.Karapetyanı hakimiyyəti ələ keçirməyə açıq çağırışlarda ittiham edərək saxlayıblar. Bizi WhatsApp-da izləyin