Փետրվարի 4-ին Արցախի ներկայացուցչությունում Արցախի նախագահի պաշտոնակատար Աշոտ Դանիելյանն ընդունել է Շվեյցարիայի Ազգային խորհրդի անդամներ Էրիխ Ֆոնտոբելին և Շտեֆան Մյուլլեր-Ալտեմատին, ինչպես նաև «Միջազգային քրիստոնեական համերաշխություն» (CSI) իրավապաշտպան կազմակերպության նախագահ Ջոն Այբներին։ Պատվիրակությանն ընկերակցում էին նույն կազմակերպության պատասխանատու Ջոել Վելդկամպը և Պետեր Ֆուխսը։ Հանդիպման ընթացքում քննարկվել են արցախահայության վերադարձի և ինքնորոշման իրավունքի հարցերը։ Կողմերն ընդգծել են, որ Արցախի հարցը փակված չէ և անհրաժեշտ է շարունակել հետևողական ու համակարգված աշխատանք այդ ուղղությամբ։
Հանդիպման սկզբում Աշոտ Դանիելյանը Էրիխ Ֆոնտոբելին պարգևատրել է Արցախի Հանրապետության «Երախտագիտություն» մեդալով, իսկ Շտեֆան Մյուլլեր-Ալտեմատին և Ջոն Այբնին հանձնել է շնորհակալագրեր։
Աջակցե՛ք մեզ reArmenia-ում, յուրաքանչյուրիդ ներդրումը կարևոր է՝
Միացե’ք մեզ Patreon-ում, յուրաքանչյուրիդ ներդրումը կարևոր է՝
© 2024 Artsakh Tv . Բոլոր իրավունքները պաշտպանված են: Artsakh Tv-ում տեղադրված նյութերն օգտագործելիս ակտիվ հղում տալը պարտադիր է:
source