«Հայաստանը ո՛չ ԵՄ անդամ կդառնա, ո՛չ էլ ԵԱՏՄ-ից դուրս կգա». «2026. ի՞նչ է լինելու»

#alpha_news #Սերգեյ_Մելքոնյան

Հայ-ռուսական հարաբերությունների զարգացումը կամ լարվածության խորացումն ըստ «ԱՊՐԻ Արմենիա» հետազոտական կենտրոնի գիտաշխատող Սերգեյ Մելքոնյանի՝ կապված է Հայաստան-Արևմուտք հարաբերությունների և ռուս-ուկրաինական պատերազմի ելքի հետ:

«Առաջին՝ արդյոք Ռուսաստանը կունենա բավականին ռեսուրսներ, որ ուշադրությունը կարողանա սևեռել Կենտրոնական Ասիայի վրա, ավելի ակտիվ լինել Հարավային Կովկասում: Եվ երկրորդ գործոնը կապված է Հայաստանի արտաքին քաղաքականությունից. մենք տեսնում ենք, որ Հայաստան-Արևմուտք օրակարգը բերում է ինչ-որ հարցեր, օրինակ, քննարկվում է ԵՄ-ի ու ԵԱՏՄ-ի հարցերը, բայց ինձ համար պարզ է, որ Հայաստանը ո՛չ ԵՄ անդամ կդառնա, ո՛չ էլ դուրս կգա ԵԱՏՄ-ից: Ռուսաստանից չեմ տեսնում, որ իրենք պատրաստ են լիովին վերանայել իրենց մոտեցումը Հայաստանի նկատմամբ: Բոլոր հաշվարկները ցույց են տալիս, որ ԵԱՏՄ-ից դուրս գալը Հայաստանի համար տնտեսական աղետ կլինի: Կառավարությունը հայտարարում է, որ օրակարգում նման հարց չկա, նրանք շատ լավ հասկանում են, թե ինչ բացասական հետևանքներ կլինեն Հայաստանի համար ԵԱՏՄ-ից դուրս գալու դեպքում: Ոչ մեկը պատրաստ չէ այդ ռիսկերը կառավարել: Մոսկվայի կողմից այն հայտարարությունները, թե Հայաստանը ստիպված է լինելու ընտրություն կատարել ԵՄ-ի և ԵԱՏՄ-ի միջև, փաստացի արձագանք են Հայաստանի կողմից արված հայտարարություններին, որովհետև Երևանից հայտարարում են, պատրաստվում են դառնալ ԵՄ անդամ, բայց նույնիսկ ԵՄ-ի փորձագետներն են բաց ասում, որ մինչև 30 տարի՝ Հայաստանը չի դառնա ԵՄ անդամ»,- Alpha News-ի՝ «2026. ի՞նչ է լինելու» նախագծի շրջանակում ասել է Սերգեյ Մելքոնյանը:

source