«Տա Աստված՝ վերջնականապես պետական սահմաններ ունենանք և լիովին անկախ լինենք». Սասուն Միքայելյան

Երկրապահ կամավորական միության նախագահ, ՔՊ-ական պատգամավոր Սասուն Միքայելյանի կարծիքով՝ Հայաստանն այսօր, ըստ էության, չունի միջազգայնորեն ճանաչված պետական սահման։

Նրա խոսքով՝ սահմանազատման գործընթացի արդյունքում դեռ պետք է հաստատվի Հայաստանի 29 743 քառակուսի կիլոմետր տարածքն իր սահմաններով։

Գործադիր իշխանությունը, մինչդեռ, վարչապետի գլխավորությամբ մշտապես ընդգծել է, որ Ադրբեջանի հետ սահմանազատման ընթացքում նոր սահմաններ չեն գծվում, այլ միայն վերարտադրվում են ԽՍՀՄ տարիներից գոյություն ունեցող իրավական սահմանները։

Այսօր Եռաբլուր այցելած ՔՊ-ական մեկ այլ պատգամավոր, Պաշտպանության հանձնաժողովի նախկին նախագահ Անդրանիկ Քոչարյանը նախ խմբագրեց գործընկերոջ խոսքը՝ շեշտելով, որ «ունենք պետական սահման», ապա հավելեց. – «Բայց սահմանազատման պրոցեսը անխուսափելիորեն պետք է հաստատագրի էդ սահմանի իրական լինելը։

Հայաստանն ու Ադրբեջանը պայմանավորվել են սահմանազատումն շարունակել հյուսիսից հարավ՝ սկսելով Հայաստանի, Ադրբեջանի և Վրաստանի սահմանների հատման կետից: Բայց Տավուշ-Ղազախ հատվածում 12 կմ գծելուց հետո արդեն 2 տարուց ավելի է նոր տարածքներ չեն սահմանազատվել:

Մեր ուղիղ հեռարձակումները դիտեք այստեղ՝

#ազատություն #լուրեր

🔶 Facebook –
🔶 Youtube –
🔶 Instagram –
🔶 Twitter –
🔶 Telegram –

source