Տասնամյակի ամենավտանգավոր աստերոիդը. ի՞նչ է հայտնի 2024 YR4-ի մասին և արդյո՞ք պետք է վախենալ դրանից

Տասնամյակի ամենավտանգավոր աստերոիդը… Այսպես են որոշ գիտնականներ անվանում 2024 YR4-ը։ Ճիշտ է, այսօր այն այլևս այդքան վտանգավոր չի համարվում։
Երբ այս աստերոիդը հայտնաբերվեց 2024 թվականի վերջին, հաշվարկները ցույց տվեցին 2032 թվականի դեկտեմբերի 22-ին Երկրի հետ բախման փոքր հավանականություն։ Աստերոիդի հավանական տրամագիծը 40-ից 90 մետր է։ Նման մարմնի անկման դեպքում ավերածությունները կընդգրկեին մոտ 30 կիլոմետր շառավղով տարածք. սա համադրելի է խոշոր քաղաքի մակերեսի հետ։
Սակայն աստղագետները շարունակեցին դիտարկումները, ճշգրտեցին դրա ուղեծիրը, և այսօր բախման հավանականությունը գնահատվում է չափազանց ցածր՝ մոտ 0,0017%։ NASA-ն և Եվրոպական տիեզերական գործակալությունը համարում են, որ 2032 թվականին այն կթռչի Երկրի կողքով։
Աստղագետները նախատեսում են էապես ճշգրտել աստերոիդի հետագիծը 2028 թվականին, երբ այն կրկին կմոտենա Երկրին։

source