ՎԱՐԴՈՒՀԻ ԽԱՉԱՏՐՅԱՆ – ԻՆՁ ՄԻ′ ԽՆԴՐԻՐ, ԵՍ ՉԵՄ ԵՐԳԻ

All official channels of National archives of Armenia:
Facebook:
Instagram:
Twitter:

Հովհաննես Թումանյանի 1892թ. գրած «Ինձ մի՛ խնդրիր, ես չեմ երգի…» բանաստեղծության հիման վրա կոմպոզիտոր Անտոն Մայիլյանը (1880-1942) ստեղծեց քնարական հրաշալի ռոմանս, որի լավագույն և անզուգական կատարողը Հայաստանի ժողովրդական արտիստուհի Վարդուհի Խաչատրյանն (1927-2015) էր: Կատարումը վերցված է «Երևան» հեռուստաֆիլմերի ստուդիայում 1976թ. նկարահանված «Երգում է Վարդուհի Խաչատրյանը» վավերագրական ֆիլմից:

Հովհաննես Թումանյան

Ինձ մի՛խընդրիր, ես չեմ երգի
Իմ տխրությունն ահագին,
Աղեկըտուր նըրա ձայնից
Կըխորտակվի քո հոգին…
Ո՛չ, քեզ համար այսպիսի երգ
Երգելու չեմ ես երբեք։

Ես երգեցի սարի վըրա
Ու չորացան խոտ ու վարդ,
Անապատ է այնտեղ հիմա,
Սև՛, ամայի անապատ…
Հառաչանքից այրված սարում
Էլ ծաղիկ չի դալարում։

Բույր ու զեփյուռ ես կուզեի
Եվ արշալույս ոսկեվառ,
Որ մի պայծառ երգ հյուսեի
Ու երգեի քեզ համար…
Բայց իմ սիրտը բըռնած են դեռ
Հուր հառաչանք, սև գիշեր։

source