Սամվել Կարապետյանի առողջական խնդիրները պայմանավորված են ՔԿՀ պայմաններով․ փաստաբան

#alpha_news #Արմեն_Ֆերոյան

Առաջին անգամն է, որ մենք խոսում ենք Սամվել Կարապետյանի առողջական վիճակի վերաբերյալ, որը, ի դեպ, հենց վրա է հասել քրեակատարողական հիմնարկում կեցության պայմանների ոչ բարվոք պահպանման հետ կապված։ Այս մասին հրատապ ասուլիսի ժամանակ հայտնել է նրա պաշտպանական խմբի անդամ Արմեն Ֆերոյանը։

«Սամվել Կարապետյանը մեզ միշտ հորդորել է, որպեսզի մենք ընդհանրապես այդ մասին չխոսենք, բայց մենք մեր բողոքարկումներում մշտապես բարձրաձայնել ենք այդ հարցը, և բոլոր դատավորները, այսինքն՝ նվազագույնը 2 դատավոր առաջին ատյանում, 2 դատավոր վերաքննիչ ատյանում հստակ ամրագրել են այդ փաստական տվյալը, որ եթե շարունակվի Սամվել Կարապետյանի առողջությանը պատշաճ բժշկական օգնություն և աջակցություն չցուցաբերել, դա հիմք է լինելու խափանման միջոցի փոփոխման համար, և դատարանները 4 տարբեր դատավորներ՝ 2-ը առաջին ատյանում, 2-ը վերաքննիչ ատյանում, արձանագրել են այդ հանգամանքը, որ վարույթն իրականացնող մարմնի խիստ պարտականությունն է անհապաղ հետևել առողջական վիճակին և անձին տրամադրել բժշկական պատշաճ օգնություն և սպասարկում, որը վարույթն իրականացնող մարմինը կտրականապես չի իրականացրել շարունակաբար։

Արդյունքում Սամվել Կարապետյանի մոտ զարգացել է երկկողմանի թոքաբորբ, որը, քրեակատարողական հիմնարկի պայմաններում, իբրև թե, բժիշկը իրականացնում էր բուժում և պարզում էր, որ ոչ մի խնդիր էլ չկա»,- նշել է Ֆերոյանը։

Փաստաբանը, խոսելով տնային կալանքում կիրառվող սահմանափակումների մասին, նշել է․ «Սամվել Կարապետյանի նկատմամբ ավելի խիստ սահմանափակումներ են կիրառված տնային պայմաններում, քան բանտային պայմաններում։ Օրինակ, Սամվել Կարապետյանը հիմա իր տնից չի կարող զանգել տղային կամ աղջկան և հարցնել, թե ինչպես է, մինչդեռ բանտային պայմաններում նա կարող էր դա անել»։

source