Սիլվա Կապուտիկյան «Ասում են, թե»
Այնպես անփո՜ւյթ, այնպես հանգի՜ստ,
Անցնում եմ իմ տան մոտով,
Մինչ ես ուրիշ տեղերում իսկ
Քե՜զ եմ փնտրում կարոտով:
Ասում են, թե մոռացել ես,
Չեմ հավատում, իմ անգին,
Պարզապես դու հեռացել ես,
Մոտս թողել քո հոգին:
Եվ այնպես հեշտ, այնպես խնդուն
Մատնո՜ւմ ես ինձ աշխարհին,
Մինչ դողում է, որպես երդում
Անունդ իմ շուրթերին:
Ասում են, թե ինձ դավել ես,
Չեմ հավատում, իմ անգին,
Պարզապես դու խռովել ես,
Ու տանջում ես իմ հոգին:
Անցնում ես դու ու չես նայում,
Մինչ ես կանգնած մոլորուն,
Քեզ աչքերիս մեջ եմ պահում
Ու տանում եմ հետս տուն:
Երաժշտություն և երգ ԱԲ
source
1 Comment
Շատ հետաքրքիր է լսել Միքիչ ուրախ տարբերակով ժամանակակից տեխնոլոգիաների՝ Արհեստական բանականության երգն ու երաժշտությունը, կատարումը հիանալի է եթե չգրեք նկարագրություն բաժնում մարդ սկի չի կարողանում իմանալ որ դա մարդիկ չեն երգում։ Շնորհակալություն, որ նշում եք նկարագրություն բաժնում ❤