Մարդու ուղեղի մեծացումը՝ ընդամենը պատահականությա՞ն արդյունք

Իսկ ի՞նչ, եթե մարդկային ուղեղը մեծացել է ոչ թե այն պատճառով, որ էվոլյուցիան շարունակաբար ընտրում էր ամենախելացիներին։ Ի՞նչ, եթե մեր ուղեղը ընդամենը պատահականության արդյունք է։
Հենց այսպիսի անսպասելի եզրակացության են եկել նոր հետազոտության հեղինակները։ Նրանք վերլուծել են Homo ցեղի ներկայացուցիչների 87 հանածո գանգ և համեմատել էվոլյուցիայի մի քանի մաթեմատիկական մոդելներ։
Պարզվել է, որ իրական փոփոխություններն ավելի լավ բացատրվում են ոչ թե հօգուտ ավելի ու ավելի մեծ ուղեղի ընթացող անընդհատ բնական ընտրությամբ, այլ պատահական գենետիկական փոփոխությունների և այն երկարատև ժամանակահատվածների համադրությամբ, երբ մարդու կառուցվածքը գրեթե չէր փոխվում։
Սա չի նշանակում, թե բնական ընտրությունը ոչ մի դեր չի խաղացել, կամ որ մեծ ուղեղը առավելություն չէր։ Խոսքն այլ բանի մասին է. հնարավոր է՝ դրա մեծացումն ընթացել է շատ ավելի քիչ ուղղագիծ ճանապարհով, քան կարծվում էր նախկինում։ Այժմ գիտնականներն առաջարկում են պատասխանը փնտրել ոչ միայն «ինչն էր առավելություն տալիս» հարցի մեջ, այլև այն բանում, թե ինչպիսի կենսաբանական սահմանափակումներ են ժամանակ առ ժամանակ անհետացել՝ թույլ տալով էվոլյուցիային անել հաջորդ քայլը։

source