«Ճնշում է գեներացվելու». Փաշինյանի «սպառնալիքը» ընդդիմությունը «պետական հեղաշրջում» է որակում

Վարչապետ Նիկոլ Փաշինյանը դարձյալ զգուշացնում է՝ եթե ընդդիմադիրների բարձրացրած հարցերին իշխանությունը դրական պատասխաններ տա և դրանց հետո անգամ խորհրդարանական ընդդիմությունը դեմ գնա նոր Սահմանադրությանը, նրանց դեմ հանրային ճնշում կգեներացվի:

Նա լեգիտիմ համարեց ընդդիմության հարցադրումները հայ – ադրբեջանական խաղաղության ու նոր Սահմանադրության մասին, որի նախագիծը, ըստ վարչապետի, ամենայն հավանականությամբ, կհրապարակվի այս ամիս:

Խորհրդարանում նոր Սահմանադրության նախագիծը հանրաքվեի դնելու որոշման համար «Քաղաքացիական պայմանագրին» պակասում է 6 ձայն: Առանց ընդդիմադիրների իշխող ուժի չի կարող այդ որոշումն ընդունել:

Թեև Փաշինյանը նոր Սահմանադրության ընդունումը համարում է ներքին օրակարգ, բայց խորհրդարանական ընդդիմադիրներն այն անվանում են «Ալիևի Սահմանադրություն»:

Բաքուն անցած օգոստոսին խաղաղության պայմանագրի նախաստորագրումից հետ պահանջում է Հայաստանի Սահմանադրությունից հանել հղումը Անկախության հռչակագրին՝ պնդելով, թե դրանում տարածքային պահանջ կա Ադրբեջանի նկատմամբ:
Նոր Սահմանադրության նախագծի բովանդակությունը հայտնի չէ, հանրայնացվել է միայն այն, որ նոր տեքստում այլևս չի լինի հղումը Անկախության հռչակագրին: 1990 թվականին ընդունված այդ փաստաթղթում հիշատակվում է Հայաստանի և Լեռնային Ղարաբաղի վերամիավորման մասին Գերագույն խորհրդի 1989 թվականին ընդունած որոշումը:

Մեր ուղիղ հեռարձակումները դիտեք այստեղ՝

#ազատություն #լուրեր

🔶 Facebook –
🔶 Youtube –
🔶 Instagram –
🔶 Twitter –
🔶 Telegram –

source