Հունվարի 1-ից քաոս՝ պոլիկլինիկաներում. բայց դե «ինչ լինում է, թող որ լինի միանգամից»

Կարող եք հետևել մեզ` անցնելով այս հղումներով․

Առողջության համընդհանուր ապահովագրությունը 2026 թվականի հունվարի 1-ից պարտադիր է լինելու։
Ի դեպ, այն իշխանությունների նախընտրական խոստումներից մեկն էր, որը կատարելու համար 5 տարի պահանջվեց, ու այդքանից հետո անգամ իշխանական շրջանակներն են խոստովանել, որ համակարգը խնդիրներ է առաջացնելու, հեշտ չի ընթանալու։
Կառավարությունում էլ են հասկանում, որ իրենք պատրաստ չեն, չեն կարողանալու հունվարի 1-ից սպասարկել ապահովագրված քաղաքացիներին։ Փաշինյանն օրերս հայտարարեց. «Սև ուրբաթ չի, չգրոհեք բժշկական հաստատությունների վրա, չենք փախնելու»։
Առողջության համընդհանուր ապահովագրության ծրագիրը չի քննարկվել մասնագիտական հանրույթի հետ։ Կառավարությունը ապահովագրական հայեցակարգից շեղվել է. ապահոգարությունը տրամադրվում է ոչ թե ինչպես խոստացել էին՝ 63, այլ 65+ տարիքի քաղաքացիներին։
Անհասկանալի է՝ 63-65 տարեկաններին ի՞նչ է սպասվում։
Փորձագետները կասկածներ ունեն, որ իշխանությունները որոշել են ընտրություններից հետո թոշակի տարիքը բարձրացնել։ Դրա ակնարկը Փաշինյանը վերջերս արեց, թե՝ 63-ը ի՞նչ տարիք է թոշակի անցնելու համար։
Բազմաթիվ նոնսենսներից մեկն էլ էնդովասկուլյար վիրաբուժությունն է, որն ապահովագրվում է մինչև 78 տարեկանը։
Կառավարությունն անկեղծ ասում է՝ սա կոչվում է համընդհանուր ապահովագրություն, բայց այդքան էլ համընդհանուր չէ։ Անգամ բուժաշխատողները գլուխ չեն հանում կառավարության առաջարկած փաթեթներից ու չեն բացառում, որ համավճարի ֆոնին լինեն նաև կոռուպցիոն ռիսկեր. նկատում է «Առողջության իրավունք» ՀԿ-ի նախագահ Անուշ Պողոսյանը։
Հունվարի 1-ից քաոսի մեջ են հայտնվելու պոլիկլինիկաները։ Բավական չէ, որ այս օղակի բժիշկները մեծ հերթերի պայմաններում են աշխատելու, դեռ պարտավոր են ապահովագրված քաղաքացուն սպասարկել 2 ժամվա ընթացքում, տնային այց կատարել, եթե «Շտապօգնությունը» կանչն իրենց փոխանցի, ինչը հատկապես մարզերում ուղղակի անհնար է։շ
Լուսանցքում են հայտնվելու բժշկական ապահովագրություն իրականացնող մասնավոր ընկերությունները։ Պետությունն ասում է՝ ես եմ այսուհետև քո փոխարեն քո գործն անելու, Հայաստանի 1. 600. 000 քաղաքացիներն ինձ մոտ են անցնելու պարտադիր ապահովագրություն։
Մասնավորի մոտ ապահավոգրություն ունենալու փաստը քաղաքացուն չի ազատում պետական պարտադիր ապահովագրությունից։

https://www.facebook.com/mediahubam
https://instagram.com/mediahubam
https://t.me/mediahubam
https://www.tiktok.com/@mediahubtv

#լուրեր #նորություններ #Հայաստան #MediaHub #news #live

source