Այսօր խորհրդարանում «Հայաստան» խմբակցության ղեկավար Աննա Գրիգորյանը և վարչապետ Նիկոլ Փաշինյանը փոխանակվել են սուր մեղադրանքներով: Աննա Գրիգորյանը խիստ քննադատության է ենթարկել կառավարության ներկայացրած ծրագիրը՝ այն անվանելով «Հայաստանի կազմաքանդման ծրագիր» և «ալիևյան Սահմանադրություն»: Վարչապետը հունից դուրս է եկել և ընդդիմության հասցեին հայտարարել՝ «բոլորը նստելու են»։ Նա նաև Աննա Գրիգորյանի «հեղափոխական անցյալն» է հեգնանքով հիշեցրել։
2018-ին Գրիգորյանը ընտրություններին մասնակցել է Փաշինյանի գլխավորած «Իմ քայլը» դաշինքի տարածքային ցուցակով, պատգամավորական մանդատը ստացել է ավելի ուշ՝ 2020-ի դեկտեմբերին և անմիջապես հայտարարել իշխող խմբակցությունից դուրս գալու և որպես անկախ պատգամավոր գործելու մասին։ Հետագայում նա միացել է ընդդիմադիր «Հայաստան» դաշինքին։ Ընդդիմադիր պատգամավորը հայտարարել է, որ իշխանական թիմից դուրս է եկել սկզբունքային պատճառներով։
Մեր ուղիղ հեռարձակումները դիտեք այստեղ՝
#ազատություն #լուրեր
🔶 Facebook –
🔶 Youtube –
🔶 Instagram –
🔶 Twitter –
🔶 Telegram –
source