ՔՈ ՁԱՅՆԸ http://www.galatv.am/
Այսօր հրավիրված մամուլի ասուլիսի ժամանակ «Ժառանգություն» կուսակցության ավագանու ընտրությունների ցուցակը գլխավորող թեկնածու Արմեն Մարտիրոսյանը նշել է, որ մայրաքաղաքի խնդիրները տարբեր են եւ առանձնացրել է մի քանիսը: Նրա խոսքերով, տարիներ շարունակ երթևեկել ենք տրանսպորտով` վճարելով 100 դրամ, եւ այդ ընթացքում բարձրացել է գազի գինը, եղել են այլ թանկացումներ, բայց տրանսպորտային վարձավճարը մնացել է նույնը, որովհետև ի սկզբանե սահմանված է եղել մի գին, որը գերշահույթ հետապնդելու նպատակ է ունեցել: Արմեն Մարտիրոսյանը անդրադարձել է նաև քաղաքի անօրինական կառույցներին, մասնավորապես` Ջազվե սրճարանին և Փակ շուկային` նշելով, որ քաղաքապետարանն ունի իրավասություններ նման անօրինականությունների դեմն առնելու: «Ժառանգություն» կուսակցության ներկայացուցիչը խոսել է նաեւ ընտրությունների ժամանակ հնարավոր ընտրակեղծիքների եւ Հայ Ազգային Կոնգրեսի հետ չստացված համագործակցության մասին:
source