Կարգալույծ քահանա տեր Թադեն՝ ԱԺ առաջին նիստին մասնակցության մասին. «Այդ օրը պարզ կլինի»

Թալինի նախկին հոգևոր հովիվ, կարգալույծ քահանա Տեր Թադեն (Արամայիս Թախմազյան) այսօր չպատասխանեց՝ արդյոք ինքն է մասնակցելու 9-րդ գումարման Ազգային ժողովի առաջին նստաշրջանի բացմանը:

Լրագրողների հարցին՝ «ԱԺ նիստի առաջին օրը կաթողիկոսի փոխարեն Դո՞ւք եք գալու», նա պատասխանեց. «Այդ օրը պարզ կլինի: Պարզապես չեմ ցանկանում որևէ ինֆորացիա ասել: Կարծում եմ՝ կարող եք հարցն ուղղել Ազգային ժողովի համապատասխան գրասենյակ»:

Կաթողիկոսը այս քահանային կարգալույծ արեց ամիսներ առաջ, երբ նա միացավ Գարեգին Երկրորդին գահընկեց անելու Փաշինյանի պահանջին: Նախկին հոգևորականը չի ընդունում կաթողիկոսի որոշումը և իրեն կարգալույծ չի համարում: Պատարագներ է մատուցում, որոնք Էջմիածնից որակում են անօրինական:
Ազգային ժողովի առաջին նիստին Ամենայն հայոց կաթողիկոսի մասնակցության մասին նշված է Ազգային ժողովի կանոնակարգ օրենքում:

Մեր ուղիղ հեռարձակումները դիտեք այստեղ՝

#ազատություն #լուրեր

🔶 Facebook –
🔶 Youtube –
🔶 Instagram –
🔶 Twitter –
🔶 Telegram –

source