Ինչո՞ւ 500 տարի անց քաղաքը կարող է նմանվել սնկամարմնի

Իսկ ի՞նչ եթե 500 տարի անց քաղաքները նման լինեն ոչ թե Նյու Յորքին, այլ… սնկամարմնի՞ն։ Որոշ ֆուտուրոլոգներ կարծում են, որ անվերջանալի մեգապոլիսների փոխարեն մարդկությունը կանցնի կոմպակտ քաղաք-հանգույցների ցանցի։ Ներսում՝ բնակարաններ, աշխատանք, ֆերմաներ և պարկեր, իսկ դրանց միջև՝ վերականգնված վայրի բնության հսկայական տարածքներ։
Իրենք՝ շենքերը, նույնպես կարող են փոխվել։ Արդեն այսօր գոյություն ունեն նյութեր, որոնք ընդունակ են ինքնուրույն «բուժել» ճեղքերը, իսկ ինժեներները ստեղծում են կենդանի միկրոօրգանիզմներով ֆասադներ (ճակատներ), որոնք կլանում են ածխաթթու գազը։ Դարեր անց նման տեխնոլոգիաները կարող են տները վերածել իրական կենդանի էկոհամակարգերի։
Դրանք կառավարելու են, հավանաբար, արհեստական բանականության համակարգերը, որոնք իրական ժամանակում կբաշխեն էներգիան, տրանսպորտը և այլ ռեսուրսները։
Իհարկե, ոչ ոք չգիտի՝ արդյոք ապագան հենց այդպիսին կլինի։ Բայց եթե այս գաղափարները ճիշտ դուրս գան, քաղաքների գլխավոր շինանյութը կլինի ոչ թե բետոնը, այլ տեղեկատվությունը, կենսաբանությունը և արհեստական բանականությունը։

source