Վարչապետ Փաշինյանը Երևանում ընթացող «Համապարփակ անվտանգություն և դիմակայունություն» խոսել է իր հռչակած «Իրական Հայաստանի» գաղափարախոսության ու անվտանգության ու խաղաղության մասին:
Ըստ Փաշինյանի՝ պետական ամբողջ համակարգը պետք է դիրքավորվի «Իրական Հայաստանի» գաղափարախոսության շուրջ, իսկ դրան հակասող մտքերը սպառնալիք են Հայաստանի համար:
«Մեր դպրոցներում չպետք է հնչեն բաներ, որոնք հակասում են Իրական Հայաստանի գաղափարախոսությանը, կառավարությունը դրա դեմ պետք է գործողություններ անի, որովհետև դա սպառնալիք է ստեղծում Հայաստանի Հանրապետության համար: Մեր հետևությունն այն է, որ այս ամենով հանդերձ, եթե մենք խոսում ենք համապարփակ անվտանգություն և դիմակայունություն մասին, պետք է արձանագրենք մի բան, որ միայն խաղաղությունն է, որ կարող է երաշխավորել խաղաղություն», – ընդգծեց Փաշինյանը:
Վարչապետի խոսքով՝ 2022-ի օգոստոսի դրությամբ Հայաստանին զենք վաճառող պետությունների թիվը 0 էր։ «100 միլիոնավոր դոլարներով փոխանցած գումարներ ունեինք, մեզ մեր վճարած զենքը չէին տալիս։ Երբ փորձում էինք փնտրել ուրիշ տեղ, զենքի մատակարարման շուկաները փակ էին մեզ համար», – նշեց նա։
Մեր ուղիղ հեռարձակումները դիտեք այստեղ՝
#ազատություն #լուրեր
🔶 Facebook –
🔶 Youtube –
🔶 Instagram –
🔶 Twitter –
🔶 Telegram –
source