Դպրոցականներին տեղափոխող ավտոբուս է կողաշրջվել Աշտարակում. կան տուժածներ

Դպրոցական երեխաներին էքսկուրսիա տանող ավտոբուսն այսօր Աշտարակ-Սասունիկ ճանապարհին կողաշրջվել է, հայտնում է Ներքին գործերի նախարարությունը:

«Նախնական տվյալներով՝ երեխաներն ու մեծահասակաները ստացել են համապատասխան բուժօգնություն, երեք երեխա տեղափոխվել է Երևան՝ լրահետազոտման»,- հայտնում են գերատեսչությունից:

Առողջապահության նախարարությունից ավելի վաղ հայտնել են, որ վթարի հետևանքով բուժօգնության է դիմել 30 երեխա և 6 մեծահասակ:

«Բոլոր տուժածները մարզային բուժկենտրոնում անցել են անհրաժեշտ հետազոտությունները և դուրս են գրվել»,- ասվում է Առողջապահության նախարարության հայտարարությունում:

Նշվում է նաև, որ Երևան տեղափոխված երեք երեխաների կյանքին սպառնացող վտանգ առկա չէ:

Վթարի պատճառների մասին մանրամասներ առայժմ չեն հաղորդում:

Մեր ուղիղ հեռարձակումները դիտեք այստեղ՝

Ազատություն TV-ին հետևեք նաև Ucom-ի 222, OVIO-ի 18 և TeamTV-ի 3-րդ ալիքներով

#ազատություն #լուրեր

🔶 Facebook –
🔶 Youtube –
🔶 Instagram –
🔶 Twitter –
🔶 Telegram –

source