Արցախյան շարժման 38-րդ տարեդարձին Արցախի Ազգային ժողովի պատգամավորները, հասարակական և քաղաքական գործիչները նախ հարգանքի տուրք են մատուցել «Եռաբլուր» զինվորական պանթեոնում։ Այնուհետև օրվան նվիրված միջոցառումը շարունակվել է Արցախի ներկայացուցչությունում՝ բարձրաստիճան պաշտոնյաների, շարժման ակտիվիստների մասնակցությամբ: Արցախյան շարժման հիմնական նպատակը ուղիղ ու պարզ էր՝ Արցախը միավորել Մայր Հայաստանին։ Միջոցառման մասնակիցներն ընդգծել են, որ պայքարը այսօր շարունակվում է այդ նպատակին հասնելու համար և շարժումն ավարտված չէ:
Վերածննդի օրվա կապակցությամբ Արցախի ԱԺ խմբակցությունները հանդես են եկել հայտարարությամբ, որտեղ ասվում է՝ հանուն մեր նահատակների հիշատակի, Արցախի հազարամյակների հերոսական պատմության և մեր նախնիների երազանքների իրականացման՝ անսասան ենք պահելու Արցախի ժողովրդի միասնությունը, պահպանելու ենք մեր հազարամյակների ժառանգությունը և ապավինելու ենք մեր ժողովրդի վճռականությանը՝ հայրենի Արցախ վերադառնալու գործում:
Աջակցե՛ք մեզ reArmenia-ում, յուրաքանչյուրիդ ներդրումը կարևոր է՝
Միացե’ք մեզ Patreon-ում, յուրաքանչյուրիդ ներդրումը կարևոր է՝
© 2024 Artsakh Tv . Բոլոր իրավունքները պաշտպանված են: Artsakh Tv-ում տեղադրված նյութերն օգտագործելիս ակտիվ հղում տալը պարտադիր է:
source
2 Comments
Աստված տա շուտ տեսնենք ու ապրենք Արցախ վերադարձ.օրերը։
🫂🫂🫂🫂🫂🫂🫂