Ամբիոնից՝ «չի կարելի», դահլիճում՝ շիշ՝ հարվածելու համար. Ծովինար Վարդանյանի կոչն ու գործը

Բռնության դեմ օրինագծերի փաթեթի համահեղինակ, իշխանական պատգամավոր Ծովինար Վարդանյանին այսօր ԱԺ-ի թեժ մարտերի պահին տեսախցիկները ֆիքսել են գործընկերոջը շիշ մատակարարելիս։ Ծեծկռտուքից վերսկսված նիստում նա արդեն կռիվ սադրելու մեջ մեղադրում էր ընդդիմադիրներին, դեմ էր արտահայտվում ագրեսիային, հանդարտվելու կոչեր ու «չի կարելիներ» հնչեցնում ամբիոնից։

Ավելի ուշ նա մեկնաբանել է, թե «գործընկերը ջուր է ուզել, ինքը տվել է»:

Ծովինար Վարդանյանը մեկն է այն 3 իշխանական պատգամավորներից, ովքեր հեղինակել են «Ընտանեկան և կենցաղային բռնության կանխարգելման մասին» օրենսդրական փոփոխությունների փաթեթը՝ բռնության մշակույթի դեմ պայքար սկսած վարչապետի տիկնոջ՝ Աննա Հակոբյանի արշավի շրջանակներում։ Փաթեթն արդեն ընդունվել է առաջին ընթերցմամբ։

Պատգամավորների միջև տեղի ունեցած սկանդալային ծեծկռտուքից հետո վարչապետ Փաշինյանը ևս հայտարարեց, թե դատապարտում է բռնությունը, բայց աջակցում ու ողջունում է իր կուսակիցների գործողությունները:

Մեր ուղիղ հեռարձակումները դիտեք այստեղ՝

#ազատություն #լուրեր

🔶 Facebook –
🔶 Youtube –
🔶 Instagram –
🔶 Twitter –
🔶 Telegram –

source