Այդ թվում՝ արտահերթ ընտրությունների կգնանք, եթե չհամոզենք ընդդիմությանը. Փաշինյան

Վարչապետ Նիկոլ Փաշինյանը չի բացառում արտահերթ խորհրդարանական ընտրությունների անցկացումը, եթե չհաջողվի համոզել խորհրդարանական ընդդիմությանը՝ կողմ քվեարկել նոր Սահմանադրությունը հանրաքվեի դնելու որոշմանը:

«Կփորձենք համոզել ընդդիմության մեր գործընկերներին, որ սա շատ կարևոր հարց է։ Չստացվեց, ուրեմն կգնանք ուրիշ սցենարներով, այդ թվում՝ կարող ենք նաև արտահերթ ընտրություններ անել։ Իսկ ո՞վ է ասել, որ նման սցենարը բացառված է», – այսօր «Ազատության» հարցին ի պատասխան հայտարարեց Փաշինյանը, որի կուսակցությունը վերջին խորհրդարանական ընտրություններում սահմանադրական մեծամասնություն չստացավ:

Խորհրդարանական երկու ընդդիմադիր խմբակցությունները պնդում են, որ Հայաստանում Սահմանադրությունը փոխվում է Բաքվի պահանջով, և բացառում են, որ կաջակցեն դրա ընդունմանը: «Ուժեղ Հայաստանն» ու «Հայաստանն» դեռ չեն արձագանքել վարչապետի այսօրվա հայտարարությանը:

Ադրբեջանը հրաժարվում է ստորագրել խաղաղության պայմանագիրը, քանի դեռ Հայաստանի Սահմանադրությունից հեռացված չէ հղումը Անկախության հռչակագրին: Բաքուն 1990 թվականին ընդունված Անկախության հռչակագրում տարածքային պահանջ է տեսնում, քանի որ դրանում հիշատակվում է Հայաստանի և Լեռնային Ղարաբաղի վերամիավորման մասին 1989 թվականի որոշումը:

Մեր ուղիղ հեռարձակումները դիտեք այստեղ՝

#ազատություն #լուրեր

🔶 Facebook –
🔶 Youtube –
🔶 Instagram –
🔶 Twitter –
🔶 Telegram –

source