Ինչպես ապագայի ճանապարհները «կտեսնեն» ձեր փոխարեն

Պատկերացրեք ճանապարհ, որը ոչ թե պարզապես միացնում է երկու կետ, այլ մշտապես հետևում է մայրուղում տեղի ունեցողին: Այն նկատում է մերկասառույցը դեռևս այն բանից առաջ, երբ ավտոմեքենան կհայտնվի վտանգավոր հատվածում, ֆիքսում է խցանումը մի քանի կիլոմետր հեռավորության վրա, նախազգուշացնում է մեքենաներին շրջադարձից հետևում գտնվող հետոտնի մասին և մեքենային է փոխանցում լուսացույցի վիճակի մասին տվյալները: Հեռանկարում նման ճանապարհը կկարողանա ոչ միայն տեղեկացնել վարորդին, այլև ուղղակիորեն փոխազդել անօդաչու ավտոմեքենայի հետ: Հենց դրան է ձգտում տրանսպորտային ենթակառուցվածքը: Ապագայի ինքնավար ավտոմեքենան ոչ միայն տեսախցիկներով, ռադարներով, LiDAR-ով և հզոր համակարգչով մեքենա է: Լիարժեք ինքնավարության համար նրան կպահանջվի շրջակա թվային միջավայր՝ ճանապարհներ, լուսացույցներ, ճանապարհային նշաններ, ցուցիչներ և կապի ցանցեր: Համակարգի հիմքը կդառնա V2X տեխնոլոգիան՝ Vehicle-to-Everything, այսինքն՝ ավտոմեքենայի տվյալների փոխանակումը գրեթե ամեն ինչի հետ, ինչ գտնվում է նրա շուրջը: Օրինակ՝ շրջադարձից հետևում գտնվող բեռնատարը կտրուկ արգելակել է: Վարորդը նրան չի տեսնում, բայց առջևում գտնվող ավտոմեքենան արդեն ստանում է նախազգուշացում: Կամ ցուցիչը հայտնաբերել է մերկասառույց. մեքենաները տեղեկանում են վտանգի մասին դեռևս այն բանից առաջ, երբ կհայտնվեն սահուն հատվածում: Դրա համար ճանապարհների և լուսացույցների մեջ ներկառուցելու են տեսախցիկներ, ռադարներ, LiDAR և ցուցիչներ, իսկ տվյալները վերլուծելու է արհեստական բանականությունը: Ընդ որում՝ հենց տեղում, որպեսզի նախազգուշացումը գա վայրկյանի մասերի ընթացքում: Եվ առաջին նման համակարգերն արդեն աշխատում են: Ամերիկյան Տամպայում V2X համակարգերից մեկն օգնել է կրճատել վթարային արգելակումների քանակը 23%-ով և կանխել հետիոտների հետ հնարավոր բախումները: Բայց առաջանում է նոր խնդիր. եթե ճանապարհը դառնում է համակարգիչ, այն նույնպես կարելի է կոտրել: Այդ պատճառով V2X-ի զարգացման հետ մեկտեղ աճում է ծածկագրման, իսկության ստուգման (աուտենտիֆիկացիայի) և տվյալների պաշտպանության նշանակությունը: Կա նաև մեկ այլ խնդիր՝ վստահությունը: Ինքնավար տրանսպորտը չի կարողանա զանգվածաբար տարածվել լոկ այն պատճառով, որ տեխնոլոգիաները տեխնիկապես աշխատում են: Մարդիկ պետք է պատրաստ լինեն վստահել ավտոմեքենային և ենթակառուցվածքին: Պատրա՞ստ եք արդյոք վստահել նման տեխնոլոգիաներին: Թե՞ նախընտրում եք սովորական ճանապարհները և ոչ այնքան «խելացի» մեքենաները: Կիսվեք կարծիքով մեկնաբանություններում:

source