ՀՀ երկրորդ նախագահ, ընդդիմադիր «Հայաստան» խմբակցության առաջնորդ Ռոբերտ Քոչարյանը Հակակոռուպցիոն կոմիտեից տեղափոխվել է Սուրբ Գրիգոր Լուսավորիչ բժշկական կենտրոն։ ԲԿ-ի տնօրեն Նարեկ Զեյնալյանն «Ազատությանը» հայտնեց, որ այս պահին երկրորդ նախագահը հետազոտվում է:
Այսօր վաղ առավոտյան ձերբակալված Ռոբերտ Քոչարյանին և նրա որդին՝ գործարար Սեդրակ Քոչարյանին մեղադրանք է առաջադրվել, նրանց կալանավորելու միջնորդություն է ներկայացվել դատարան, «Ազատությանը» հայտնել են Հակակոռուպցիոն կոմիտեից:
Կոմիտեի խոսնակը հայտնեց, որ Ռոբերտ Քոչարյանին մեղադրանք է ներկայացվել պաշտոնեական լիազորությունների չարաշահման, առանձնապես խոշոր չափերի փողերի լվացման և առանձնապես խոշոր չափերի կաշառք ստանալու համար: Սեդրակ Քոչարյանին էլ մեղադրանք է ներկայացվել առանձնապես խոշոր չափերի փողերի լվացման, ինչպես նաև պաշտոնեական լիազորությունների չարաշահմանն ու առանձնապես խոշոր չափերի կաշառք ստանալուն օժանդակելու համար:
Նույն քրեական վարույթի շրջանակում ձերբակալվել է ևս չորս անձ, նրանց անունները իրավապահները, սակայն, չեն նշել:
Մեր ուղիղ հեռարձակումները դիտեք այստեղ՝
#ազատություն #լուրեր
🔶 Facebook –
🔶 Youtube –
🔶 Instagram –
🔶 Twitter –
🔶 Telegram –
source