Թիթեռները դինոզավրերի ժամանակներու՞մ են հայտնվել

Գիտե՞ք, որ թիթեռները ծաղիկներից հին են: Այո՛, առաջին թիթեռները հայտնվել են մոտ 190 միլիոն տարի առաջ՝ դեռևս դինոզավրերի ժամանակներում, երբ մեզ սովորական թվացող ծաղկող բույսերն ընդհանրապես գոյություն չունեին: Այն ժամանակ դրանք բոլորովին այլ տեսք ունեին. փոքր էին, անշուք և սնվում էին տերևներով, արմատներով կամ էլ ընդհանրապես ոչնչով, եթե ապրում էին ընդամենը մի քանի օր:
Ամեն ինչ փոխվեց մոտ 100–130 միլիոն տարի առաջ, երբ Երկրի վրա հայտնվեցին առաջին ծաղկավոր բույսերը: Դրանք սկսեցին քաղցր նեկտար արտադրել, իսկ թիթեռներն աստիճանաբար ձեռք բերեցին երկար կնճիթներ, որպեսզի կարողանան այն հայթայթել նույնիսկ խորը ծաղիկներից:
Սկսվեց էվոլյուցիայի իսկական մրցավազք: Ծաղիկները դառնում էին ավելի ու ավելի վառ, բուրավետ և ձևով բարդ՝ փոշոտողներին գրավելու համար, իսկ թիթեռներն ավելի ու ավելի լավ էին հարմարվում դրանց: Այսօր Երկրի վրա ապրում է թիթեռների մոտ 175 հազար տեսակ:
Եվ լիովին հնարավոր է, որ մեզ սովորական թվացող շատ ծաղիկներ երբեք էլ չհայտնվեին այս տեսքով՝ առանց միլիոնավոր տարիների այս համատեղ էվոլյուցիայի:

source