Մոլորակ, որտեղ սուտակների և շափյուղաների անձրևներ են տեղում

Այսօր սպասվում է 18 հազար կիլոմետր ժամ արագությամբ քամի… և թանկարժեք քարերի անձրև:
Մոտավորապես այսպես կհնչեր եղանակի տեսությունը WASP-121b էկզոմոլորակի վրա, որն աստղագետները հայտնաբերել են «Ջեյմս Ուեբ» տիեզերական աստղադիտակի օգնությամբ:
Այս մոլորակի վրա տարին տևում է ընդամենը 30 ու կես ժամ, իսկ ինքն այնքան մոտ է գտնվում իր աստղին, որ ձգվել է ու ամերիկյան ֆուտբոլի գնդակի ձեւ ստացել:
Ցերեկն այստեղ այնքան շոգ է, որ մետաղները գոլորշիանում են: Իսկ գիշերային կողմում կարող են տեղալ հեղուկ երկաթի, սուտակների և շափյուղաների անձրևներ:
Բայց սա դեռ ամենը չէ: Նոր դիտարկումները ցույց են տվել, որ մոլորակի մի կողմն ավելի տաք է մյուսից՝ փոթորկալից քամիների պատճառով, որոնք ջերմությունը տեղափոխում են այնպիսի արագությամբ, որը Երկրի վրա անգամ հնարավոր չէ պատկերացնել:
Եթե ցանկանանք կազմել ամենախենթ եղանակն ունեցող մոլորակների թոփ-ցուցակը, ապա WASP-121b-ն այդտեղ կզբաղեցնի շատ բարձր հորիզոնական:

source