Ինչպիսի՞ն է տիեզերքի ամենատաք աստղի մակերեսը

Պատկերացրեք, թե դուք թռել-հասել եք մեզ հայտնի ամենատաք աստղի վրա: Միայն թե այնտեղ որևէ պինդ մակերևույթ չկա. շուրջբոլորը մոլեգնում է կուրացուցիչ պլազման՝ շիկացած գրեթե մինչև 200 հազար աստիճան: Դա WR 102 աստղն է: Դրա արտաքին շերտն այնքան տաք է, որ ատոմները գրեթե ամբողջությամբ զրկված են իրենց էլեկտրոններից, իսկ ճառագայթման մեծ մասը բաժին է ընկնում ոչ թե տեսանելի լույսին, այլ կոշտ ուլտրամանուշակագույնին:
Եթե մարդու աչքն ընդունակ լիներ տեսնել դա, ձեր առջև կլինեին ոչ թե հանգիստ արեգակնային հատիկները (գրանուլները), այլ լուսարձակող գազի կատաղի օվկիանոսը, որն անընդհատ պոկվում-սլանում է դեպի տիեզերք: Աստղն ամեն վայրկյան նյութ է արտանետում սոսկալի արագությամբ. դրա աստղային քամին զարգացնում է մոտավորապես հինգ հազար կիլոմետր վայրկյան արագություն:
WR 102-ն արդեն դեն է նետել իր գրեթե ողջ արտաքին թաղանթը և, հավանաբար, գտնվում է իր կյանքի վերջին փուլում: Աստղագիտական չափանիշներով այն կարող է պայթել որպես գերնոր բառացիորեն «շուտով»՝ ընդամենը մի քանի հազար տարի անց կամ նույնիսկ ավելի վաղ:

source