Հեղինակ` Գուսան Աշոտ
Lyrics & music: Gusan Ashot
✧ ✧ ✧ ✧ ✧ ✧ ✧ ✧ ✧
Հազար տարվա կյանք թե ինձ տան`
Յա’ր, առանց քեզ ինչի՞ս է պետք,
Հազար ու մի փառք թե ինձ տան,
Յա՛ր, առանց քեզ ինչի՞ս է պետք:
Դու իմ արև անուշ գարնան,
Շաղ ու անձրև ջահելության.
Հազար աստղեր թե որ ինձ տան
Յա՛ր, առանց քեզ ինչի՞ս է պետք:
Հազար կանաչ արտեր ինձ տան,
Հազար անուշ վարդեր ինձ տան.
Հազար անգին զարդեր ինձ տան,
Յա՛ր, առանց քեզ ինչի՞ս է պետք:
Հազար կարոտ, հազար մուրազ
Ունեմ սրտիս, ո՜վ իմ երազ.
Հազար դրախտ Աշոտիս տան,
Յա՛ր, առանց քեզ ինչի՞ս է պետք:
source
5 Comments
հիշում ենք աշուղ Աշոտի այս գեղեցիկ երգի Բելա Դարբինյանի անզուգական կատարումը, բայց սա էլ մի ինքնատիպ ու նուրբ կատարում է, շնորհակալություն։
💗💓
Հրաշալի երգ, հրաշալի կատարում, Աշուղ Աշոտի անմահ ստեղծագործություններից։
Ինձ նետեցիք այն աշխարհը որ միշտ կարոտով կհիշեմ Շքնաղ Հայուհուս։
Շնորհակալ եմ այս երգի տեղադրումի համար։
Bravo ❤
Անկրկնելի ես։