ՆԱՐԱ ՇԼԵՊՉՅԱՆԻ ՄԵԾԱՐՈՒՄ

Փետրվարի 23-ին հայկական հեռուստատեսության առաջին հաղորդավար Նարա Շլեպչյանի 91-րդ տարեդարձն է։ 70 տարի առաջ նա ուղիղ եթերում ազդարարեց տասնամյակներ ձգվող պատմության մեկնարկը և իր նվիրված աշխատանքով ճանապարհ հարթեց հեռուստադեմքերի բազում սերունդների համար։
Փետրվարի 23-ին նա Առավոտ լուսո ծրագրի հյուրն էր: Ապա հեռուստատեսության 3-րդ հարկում,այն պատի մոտ, ուր երեք տարի առաջ գրվել են նրա առաջին խոսքերը եթերում /ի դեպ սա եզակի երևույթ է/ Նարա Շլեպչյանին ծաղիկներով դիմավորեցին իր գործընկերները Հանրային հեռուստաընկերության գործադիր տնօրեն Հովհաննես Մովսիսյանի գլխավորությամբ: Ապա վերջինս Նարա Շլեպչյանի ծննդյան օրվա առթիվ նրան պարգևատրեց Հանրային հեռուստաընկերության բրոնզաձույլ հուշամեդալով։ Այն ստեղծվել է Առաջին ալիքի 70-ամյակի առթիվ և խորհրդանշում է անցած երկար ճանապարհը։ Հուշամեդալով Առաջինն իր երախտագիտությունն է հայտնում այն անհատներին, որոնք իրենց զգալի ներդրումն են ունեցել հեռուստատեսության կայացման և զարգացման գործում, ուստի պատահական չէ, որ խորհրդանշական հուշամեդալով առաջինը պարգևատրվեց հենց Նարա Շլեպչյանը։

source