Duke Ellington & Billy Strayhorn “March” From The Nutcracker Suite

Շատ յուրահատուկ ձևաչափի համերգ տեղի ունեցավ հունվարի 30-ին «Արամ Խաչատրյան» համերգասրահում: Հնչում էին Պյոտր Չայկովսկու բոլորիս քաջ ծանոթ «Շչելկունչիկից» հատվածներ Էդուարդ Թոփչյանի ղեկավարած Հայաստանի ազգային ֆիլհարմոնիկ նվագախմբի կատարմամբ: Հիմա կասեք, ինչն է այստեղ յուրահատուկ, մենք բազմիցս լսել ենք այդ ստեղծագործությունը Ֆիլհարմոնիկի մեկնաբանությամբ: Բայց… Բանն այն է, որ բեմի ձախ կողմում էլ տեղավորված էր Հայաստանի պետական ջազ նվագախումբը Դավիթ Մելքոնյանի ղեկավարությամբ: Կհարցնեք ի՞նչ կապ ունի «Շչելկունչիկը» և ջազը:
Բանն այն է,որ 1960 թվականին «Columbia» լեյբլի կողմից ձայնագրվել է Դյուկ Էլինգտոնի և Բիլլի Սթրեյհորնի «Շչելկունչիկ սյուիտը» : Դա հայտնի «Շչելկունչիկ» բալետի մեկնաբանությունն է: Եվ ահա հենց այդ սյուիտն էլ փայլուն ներկայացրեց մեր Հայաստանի պետական ջազ նվագախումբը: Սա մի հետաքրքիր երաժշտական մենամարտ էր,ուր չկային հաղթողներ և պարտվողներ: Քանի որ դասական տարբերակը շատ ենք լսել ներկայացնեմ ձեր ուշադրությանը Սյուիտի եզրափակիչ «Քայլերգը» ջազային տարբերակով:

source