Սիմվոլիկ նվեր՝ «նորաթուխ Այվազովկսուն». ԲՀԿ-ն նկարչական պարագաներ էր բերել ԿԸՀ նախագահին

ԿԸՀ-ն երեկ արտահերթ նիստում անվավեր է ճանաչել հունիսի 7-ի խորհրդարանական ընտրությունների քվեարկության արդյունքները թիվ 10/51 և թիվ 35/65 ընտրական տեղամասերում: ԲՀԿ-ն պնդում է, թե նպատակը կուսակցությանը նորընտիր ԱԺ-ից դուրս թողնելն է:

ԲՀԿ-ն, որ նախնական արդյունքներով չի հաղթահարել խորհրդարան անցնելու 4 տոկոսի շեմը, այս օրերին փորձում է վերահաշվարկի միջոցով ստանալ պակասող 0.004 տոկոսը:

Վիճահարույց տեղամասերում քվեարկել էին նաև զինվորները, ընդ որում՝ քվեարկությունը տեղի էր ունեցել ժամը 20:00-ից, այսինքն տեղամասերի փակվելուց հետո: Ընդդիմությունը և դիտորդները սա խախտում էին համարել: ԿԸՀ նախագահ Վահագն Հովակիմյանը, մինչդեռ սա խնդիր չէր համարել. – «Ըստ իս՝ խնդիր չկա, որովհետև առավել խնդիր կլիներ, որ տեղամասը կողպեին, դռան դիմաց կանգնած զինվորին զրկեին քվեարկելու իրավունքից:

Արձագանքելով ընդդիմադիր ուժերի պնդումներին, որ այս տեղամասերի քվեարկությունը անվավեր ճանաչելով «գողացվել են ԲՀԿ-ի քվեները», իշխող «Քաղաքացիական պայմանագրի» փոխնախագահ Վահագն Ալեքսանյանը իր հերթին ընդդիմադիրներին է մեղադրել. – «Զինվորների քվեարկությամբ պայմանավորված՝ ընդդիմության բարձրացրած հիստերիայի արդյունքում չեղարկվում են 2 տեղամասի արդյունքներ, որոնցում ՔՊ-ն հանրագումարով ուներ 1224 քվե։ Ցանկացած մի անգամ, երբ այս ընդդիմությունը առաջիկա հինգ տարիներին կարտասանի «բանակ» կամ «զինվոր» բառերը, նրանք պիտի հիշեն, որ հերթափոխից իջած ու քվեարկած զինվորների ձայնն անվավեր սարքելու պրոցես են գեներացրել»։

Մեր ուղիղ հեռարձակումները դիտեք այստեղ՝

Ազատություն TV-ին հետևեք նաև Ucom-ի 222, OVIO-ի 18 և TeamTV-ի 3-րդ ալիքներով

#ազատություն #լուրեր

🔶 Facebook –
🔶 Youtube –
🔶 Instagram –
🔶 Twitter –
🔶 Telegram –

source